नयाँ सीईओ नियुक्तीकै दिन शेयर बजार दोहोरो अंकले घट्यो, कारोबार रकममा पनि गिरावट 

काठमाडौं : साताको तेस्रो कारोबार दिन मंगलबार (आज) शेयर बजार दोहोरो अंकले घटेको छ । नयाँ प्रमुख कार्यकारी अधिकृत (सीईओ) नियुक्ती कै दिन नेपाल स्टक एक्सचेञ्ज नेप्से परिसूचक १६.९५ अंकले घटेर २६७६.१७ बिन्दुमा पुगेको हो । 

सोमबार बसेको मन्त्रिपरिष्दको बैंठकले चुडामणि चापागाईँलाई सीईओ पदमा नियुक्त गरेको हो । नवनियुक्त सीईओ चापागाईँले मंगलबार राजस्व सचिव घिमिरेबाट नियुक्ती पत्र समेत बुझिसकेका छन् ।

नयाँ सीईओ पाएपनि लगानीकर्ताको मनोबल घटेको देखिन्छ । आइतबार नेप्से ३२.२४ अंकले बढेर २६९५.५५ बिन्दुमा बन्द भएको नेप्से परिसूचकमा दोहोरो अंकको गिरावट देखिएको हो । 

आज कारोबारमा आएका ४२ कम्पनीको शेयरमूल्य बढेको छ । भने २०१ कम्पनीको शेयरमूल्य घटेको छ । 

शेयर बजार घटेसँगै कारोबार रकममा पनि गिरावट देखिएको छ । आज बजारमा पाँच अर्ब ७९ करोड ७७ लाख रुपैयाँ बराबरको कारोबार भएको छ । आइतबार नेप्सेमा सात अर्ब ५६ करोड ८२ लाख रुपैयाँ बराबरको कारोबार भएको थियो । 

आज हिमालयन रिइन्स्योरेन्स कम्पनीेको सर्वाधिक शेयर कारोबार भएको छ । यस कम्पनीको आज ६४ करोड २५ लाख रुपैयाँ बराबरको कारोबार भएको हो ।

सर्वाधिक मूल्य बढ्नेमा गार्डियन माइक्रो लाइफ इन्स्योरेन्स कम्पनी रहेको । आज यस कम्पनीको शेयरमूल्यमा सकारात्मक सर्किट लेभलमा पुगेको हो । आज गुराँस लघुवित्त वित्तीय संस्थाको शेयरमूल्य ५.९६ प्रतिशतले घटेको छ ।