औपचारिक रुपमै जन्मियो नाईमा, अटो मोबिलिटी सशक्तीकरणमा काम गर्ने

काठमाडौं : नेपाल अटोमोबाइल इम्पोर्टर्स एण्ड म्यान्युफ्याक्चरर्स एसोसिएसन (नाईमा) ले नेपालको सबैभन्दा ठूलो मोबिलिटी शोको घोषणा गरेको छ । बुधबार काठमाडौंमा आयोजित एक कार्यक्रमकाबीच एसोसिएसनले ‘मोबिलिटी मार्फत सशक्तिकरण ग्रोथ’ भन्ने आकर्षक सन्देशका साथ मोबिलिटी शोको घोषणा गरेको हो । 

कार्यक्रममा युनाइटेड ट्रेडरर्स सिन्डिकेट प्रालिकी अध्यक्ष रितु सिंह वैद्यले एनएआईएमएको उद्देश्य रणनीतिक वकालत, नवीनता मार्फत प्रगति ड्राइभिङ मा केन्द्रित रहेको बताइन् । संघले ‘सबैका लागि गतिशीलता’ सक्षम गर्ने अटोमोटिभ इकोसिस्टमलाई आकार दिन सरकारी निकाय, निजी क्षेत्र र नागरिक समाजसँग काम गर्दै परिवर्तनको उत्प्रेरक बन्ने लक्ष्य राखेको पनि उनले जानकारी दिइन् । 

उनले भनिन्, ‘एनएआईएमएको मिसन रणनीतिक वकालत, नवीनता समर्थन मार्फत प्रगति ड्राइभिङ मा केन्द्रित छ । र सहयोग संघले ‘सबैका लागि गतिशीलता’ सक्षम गर्ने अटोमोटिभ इकोसिस्टमलाई आकार दिन सरकारी निकाय, निजी क्षेत्र र नागरिक समाजसँग काम गर्दै परिवर्तनको उत्प्रेरक बन्ने लक्ष्य राखेको छ ।’

त्यस्तै उनले प्रगतिशील नीतिहरूको वकालत गरेर नेपालको अटोमोटिभ परिदृश्यलाई सक्रिय रूपमा आकार दिने, शिक्षा र चेतनाको माध्यमबाट उपभोक्ताहरूलाई सशक्तिकरण गर्ने, सडक सुरक्षा र पूर्वाधार विकासलाई च्याम्पियन बनाउने लगायतको उद्देश्य पनि रहेको बताइन् । 

टोयोटाका लागि नेपालको आधिकारिक बिक्रेता युनाइटेड ट्रेडर्स सिन्डिकेट प्रालिकी प्रबन्ध निर्देशक (एमडी) रितु सिंह वैद्यले नेतृत्व गरेकी नाईमा गत फागुन ९ गते कम्पनी रजिष्ट्रार कार्यालय काठमाडौंमा दर्ता भएको थियो । संस्था दर्ता भएको करिब दुई महिनापछि मात्र औपचारिक घोषणा भएको हो । 

नाईमाको केन्द्रीय कार्यसमितिमा सुहृद राज घिमिरे, शेखर गोल्छा, सौरभ ज्योति, क्याबिनेट श्रेष्ठ, हेमन्त गोल्छा, सन्दीप कुमार सारडा, निराकार श्रेष्ठ, यमुना श्रेष्ठ, निकुञ्ज अग्रवाल र उदयन काभ्रा रहेका छन् ।

साथै, नाइमाले काठमाडौंको भृकुटीमण्डपमा साउन २१ गतेदेखि २५ गतेसम्म नेपाल मोबिलिटी एक्स्पो हुने जनाएको छ ।