शतप्रतिशत हकप्रद शेयर निष्कासनको प्रस्तावसहित अप्पर स्याङ्गे हाइड्रोपावरले डाक्यो साधारणसभा 

काठमाडौं : अप्पर स्याङ्गे हाइड्रोपावर लिमिटेडले शतप्रतिशत हकप्रद शेयर निष्काशनको प्रस्ताव पारित गर्न साधारण सभा बोलाएको छ। कम्पनीले असोज ९ गते, बिहीबार, नवौँ वार्षिक साधारण सभा बोलाएको हो। 

उक्त सभा कुण्डलिनी दरबार बैंङ्गक्वेट, चप्पल कारखाना चोक, काठमाडौँमा बिहान १० बजे शुरु हुनेछ। सभाले हाल कायम चुक्ता पूँजीको १ बराबर १ अनुपातमा हकप्रद शेयर निष्काशन गर्ने विशेष प्रस्ताव पारित गर्नेछ। 

यसका साथै सभाले हकप्रद शेयर निष्काशनबाट प्राप्त हुने रकमको उपयोग गर्ने, प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, कम्पनी गाभ्ने, संस्थापक शेयरधनीहरुको तर्फबाट प्रतिनिधित्व गर्ने ४ जना सञ्चालकहरुको निर्वाचन गर्ने लगायतका प्रस्तावहरु पनि पारित गर्नेछ।

साधारण सभा प्रयोजनका लागि कम्पनीले भदौ २३ गते एक दिनका लागि बुकक्लोज गर्ने भएको छ। जसअनुसार भदौ २२ गतेसम्म कायम शेयरधनीहरुले कम्पनीको साधारण सभामा भाग लिन पाउनेछन् ।