टिकेन नेप्सेको वृद्धि: परिसूचक २५ सय बिन्दुमा झर्यो, कारोबार रकम पाँच अर्ब ४१ करोडमा समेटियो 

काठमाडौं : साताको अन्तिम कारोबार दिन बिहिबार (आज) शेयर बजार दोहोरो अंकले घटेको छ । आज नेपाल स्टक एक्सचेञ्ज नेप्से परिसूचक ११.२९ अंकले घटेर २५९६.१२ बिन्दुमा बन्द भएको हो । बुधबार नेप्से १२.१७ अंकले बढेर २६०७.४२ बिन्दुमा बन्द भएको थियो ।

आज कारोबारमा आएका ७७ कम्पनीको शेयरमूल्य बढेको छ । भने १६५ कम्पनीको शेयरमूल्य घटेको छ । त्यस्तै आज नौ कम्पनीको शेयरमूल्य स्थिर रहेको छ ।

शेयर बजार घटेपनि कारोबार रकममा पनि सुधार देखिएको छ । आज बजारमा पाँच अर्ब ४१ करोड ६९ लाख रुपैयाँ बराबरको कारोबार भएको छ । बुधबार नेप्सेमा चार अर्ब ६८ करोड १९ लाख रुपैयाँ बराबरको कारोबार भएको थियो ।

आज शिवम् सिमेन्ट्स कम्पनीको सर्वाधिक शेयर कारोबार भएको छ । यस कम्पनीको आज ३० करोड ९१ हजार रुपैयाँ बराबरको कारोबार भएको हो ।

सर्वाधिक मूल्य बढ्नेमा दरम खोला हाइड्रो इनर्जी रहेको छ । आज यस कम्पनीको शेयरमूल्यमा सकारात्मक सर्किट लागेको हो । सम्पदा लघुवित्त वित्तीय संस्थाको शेयरमूल्यमा नकारात्मक सर्किट लागेको हो ।