नेपाल हाइड्रो एण्ड इलेक्ट्रिकले २० प्रतिशत लाभांश दिने, पुस ३० गते डाक्यो साधारणसभा 

काठमाडौं : नेपाल हाइड्रो एण्ड इलेक्ट्रिक कम्पनी लिमिटेडले लाभांश घोषणा गरेको छ । कम्पनीको मंसिर २९ गते बसेको सञ्चालक समितिको बैठकले गत आर्थिक वर्षको मुनाफाबाट शेयरधनीहरुलाई २०.५३ प्रतिशत लाभांश वितरण गर्ने घोषणा गरेको हो ।

प्रस्तावित लाभांश पारित गर्न कम्पनीले पुस ३० गते वार्षिक साधारण सभा बोलाएको छ । उक्त सभा बुटवल स्थित कम्पनीको रजिष्टर्ड कार्यालयमा दिउँसो १२ः३० बजे शुरु हुनेछ।

सभाले हाल कायम चुक्ता पूँजीको १० प्रतिशत बोनस शेयर र सोको कर प्रयोजनका लागि १०.५३ प्रतिशतका नगद लभांश वितरण गर्ने प्रस्ताव पारित गर्नेछ। 

यसका साथै सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने र चालु आवका लागि लेखापरीक्षक नियुक्त गरी निजको पारिश्रमिक निर्धारण गर्ने लगायतका प्रस्तावहरु पनि पारित गर्नेछ।