सुपर मादी हाइड्रोपावरको लकइन पिरियड माघ २१ गते सकिने, करिब दुई करोड कित्ता शेयर थपिदै

काठमाडौं : सुपर मादी हाइड्रोपावर कम्पनी लिमिटेडको साधारण शेयर बिक्री (लकइन पिरियड) माघ २१ गतेबाट सकिने भएको छ । कम्पनीले संस्थापक शेयरधनी र कर्मचारीहरु र आयोजना प्रभावित क्षेत्रका स्थानीय बासिन्दाहरुका लागि सुरक्षित गरिएको शेयरको लकइन पिरियड खुल्ला गर्न लागेको हो ।

कम्पनीले संस्थापक शेयरधनी, कर्मचारीहरु र आयोजना प्रभावित क्षेत्रका स्थानीय बासिन्दाहरुका लागि एक करोड ९८ लाख ८९ हजार १०० कित्ता शेयर लकइनमा राखेको थियो ।

कम्पनीले एक करोड ८७ लाख ४२ हजार ५०० कित्ता योग्य संस्थापक लगानीकर्ताका लागि बाँडफाँट गरी सर्वसाधारणण लागि छुट्याएको शेयरमध्ये ४४ हजार १०० कित्ता कर्मचारीहरुका लागि र ११ लाख २ हजार ५०० कित्ता शेयर आयोजना प्रभावित क्षेत्रका स्थानीय बासिन्दाहरुका लागि बाँडफाँट गरी लकइनमा राखेको थियो । 

उक्त शेयरको लकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।