दाउन्ने फ्लोर मिल्सले गर्यो एक अर्ब चार करोडको व्यापार, नाफा मार्जिनमा भने दबाब 

काठमाडौं : सन् २०२५ मा दाउन्ने फ्लोर मिल्स प्रालिको व्यापार ५.५ प्रतिशतले बढेको छ । एक वर्षमा कम्पनीले एक अर्ब ४ करोड रुपैयाँ बराबरको कारोबार गरेको हो । 

कम्पनीले सन् २०२४ मा ९८ करोड ६० लाख रुपैयाँ बराबरको कारोबार गरेको थियो भने सन् २०२३ मा एक अर्ब १७ करोड २० लाख रुपैयाँ बराबरको व्यापार गरेको थियो । 

कम्पनीको व्यापार बढेपनि सञ्चालन नाफा मार्जिन घटेको छ । सन् २०२४ मा ७.४२ प्रतिशत रहेको यस्तो मार्जिन सन् २०२५ मा घटेर ५.५२ प्रतिशतमा कायम भएको छ । खुद नाफा मार्जिन ०.२६ प्रतिशतमा सीमित रहेको छ । 

कम्पनीको उत्पादन उद्योग नवलपरासीको रामग्राम-११ मा रहेको छ । कम्पनीसँग दैनि १८० मेट्रिक टन मैदा र ६० मेट्रिक टन आँटा उत्पादन गर्ने क्षमता रहेको छ । ३०० भन्दा बढी ग्राहकसहितको वितरण सञ्जाल छ । दाउन्ने गोल्ड ब्राण्डबाट कम्पनीले देशको मध्य र पश्चिम क्षेत्रमा बिक्री गर्दै आएको छ । 

गणेश प्रसाद पोखरेल अध्यक्ष रहेको कम्पनीले दीर्घकानिल र अल्पकालिन बैंकिङ कर्जा सुविधाका लागि ५३ करोड ४० लाख रुपैयाँ बराबरको कर्जा रेटिङ गराएको छ । 

कम्पनीले दीर्घकालिन कर्जाका लागि २६ करोड ३७ लाख र अल्पकालिन कर्जाका लागि २७ करोड ३ लाख रुपैयाँ बराबरको ऋण रेटिङ गराएको हो ।  

दाउन्ने फ्लोर मिल्सले गहुँलाई प्रशोधन गरेर मैदा उत्पादन गर्दै आएको छ । साथै कम्पनीले मैदा, आँटा, चक्की आँटा, चोकर, सूजी र दलियाजस्ता विभिन्न प्रडक्ट उत्पादनगरी बिक्री गर्दै आएको छ ।