नेपाल मर्चेण्ट बैंकर संघकाे अभिमुखिकरण कार्यक्रम सम्पन्न

काठमाडौ‌‌ : नेपाल मर्चेण्ट बैंकर संघको अभिमुखिकरण कार्यक्रम सम्पन्न भएको छ । बिहिबार संघको संयोजकत्व र राष्ट्र बैंक, वित्तिय जानकारी ईकाई तथा नेपाल धितोपत्र बोर्डसँगको सहकार्यमा एम्वेस्डरमा ए एमएल÷सिएफटी र गो ए एम एल एप्लिकेसन सम्बन्धि अभिमुखिकरण कार्यक्रम सम्पन्न भएको हो ।

उक्त कार्यक्रममा सम्पत्ति शुद्धिकरण तथा आतङकबादी क्रियाकलापमा वित्तीय लगानी निवारण सम्बन्धी राष्ट्रिय रणनीति तथा कार्ययोजना अनुसार धितोपत्र क्षेत्रमा सफ्टवेयर सिस्टम पूर्ण रुपमा लागू गराउन सूचक संस्थाहरुले  गो ए एम एल (प्रोडक्सन इनभाइरोन्मेन्ट) मा यथाशीघ्र आवद्ध हुनुपर्ने प्रावधान बमोजिम विज्ञहरुबाट सम्पन्न गरिएको संघले जनाएको छ ।

उक्त कार्यक्रममा नेपाल धितोपत्र बोर्डमा दर्ता भई संचालनमा रहेका सबै मर्चेण्ट बैंकरहरुबाट प्रतिनिधिहरुको उपस्थिति रहेको थियो । कार्यक्रममा नियामक निकायबाट उपस्थित भएका पदाधिकारीहरु तथा उपस्थित सम्पूर्ण सहभागिहरुलाई नेपाल मर्चेण्ट बैंकर्स संघका अध्यक्ष बिजय लाल श्रेष्ठले धन्यवाद ज्ञापन गरे ।