ग्रिन लाइफ हाइड्रोपावरको ‘लक इन’ फागुन ६ गते सकिने, एक करोड कित्ता बढी शेयर थपिदै 

काठमाडौं : ग्रिन लाइफ हाइड्रोपावर लिमिटेडको साधारण शेयर बिक्री (लकइन पिरियड)  फागुन ६ गतेबाट खुला हुने भएको  । कम्पनीले संस्थापक शेयरधनी, आयोजना प्रभावित स्थानीय बासिन्दा र कर्मचारीलाई निष्कासन गरेको शेयरको लकइन पिरियड खुल्ला गर्न लागेको हो । 

एक करोड ४५ लाख ७३ हजार ५२८कित्ता शेयरको लकइन पिरियड खुल्ला भएको कम्पनीले जनाएको छ ।

कम्पनीको संस्थापकको १ करोड ४४ लाख कित्ता शेयर, स्थानीय बासिन्दाको एक लाख ३ हजार ६०० कित्ता र कर्मचारीको ६९ हजार ९२८ कित्ता शेयरमा लकइन अवधि सकिन लागेको हो ।

लकइन अवधि सकिएपछि कुल १ करोड ४५ लाख ७३ हजार ५२८ कित्ता शेयर बजारमा थपिनेछ ।

लकइन पिरियड सकिन लागेसँगै अब आयोजना प्रभावित स्थानीय  बासिन्दा, संस्थापक शेयरधनी र कर्मचारीले आफ्नो सेयर बिक्री गर्न पाउने भएको कम्पनीले जनाएको छ । 

यसका साथै सञ्चालक तथा कम्पनीको उच्च व्यवस्थापकीय पदमा कार्यरत कर्मचारीको हकमा नियमानुसार शेयर रोक्का रहने कम्पनीले जनाएको छ ।