महालक्ष्मी विकास बैंकको सिईओमा लम्साल नियुक्त 

काठमाडौं : महालक्ष्मी विकास बैंक लिमिटेडमा बैंकको प्रमुख कार्यकारी अधिकृत (सिईओ) मा दिपेश लम्साल नियुक्त भएका छन् । मंगलबार बसेको सञ्चालक समितिको बैठकले लम्साललाई सिईओको रुपमा नियुक्त गर्ने निर्णय गरेको हो । 

बैंकको वरिष्ठ नायब प्रमुख कार्यकारी अधिकृत पदमा रहेका लम्साल तत्कालीन प्रमुख कार्यकारी अधिकृतको राजिनामा पश्चात संचालक समितिको निर्णय बमोजिम निमित्त प्रमुख कार्यकारी अधिकृतको भुमिकामा रहेका थिए । बैंक परिवारको तर्फबाट केन्द्रिय कार्यालय, दरबारमार्गमा स्वागत कार्यव्रmम सम्पन्न गरिएको छ ।

उक्त कार्यक्रममा नवनियुक्त प्रमुख कार्यकारी अधिकृत लम्सालले बैंक प्रतिको जनविश्वास, निष्ठा कायम राख्दै गुण्स्तरीय सेवा प्रदान गर्न सदा तत्पर रहने प्रतिबद्धता जनाएका छन् । उनले बैंकको लक्ष्य र उद्देश्य प्राप्तिका लागि सम्पूर्ण कर्मचारीलाई प्रयत्नशिल रहन समेत आग्रह गरेका छन् ।