हिमालयन रि इन्स्योरेन्सले ८० प्रतिशत हकप्रद निष्काशन गर्ने, फागुन २० मा डाक्यो साधारण सभा

काठमाडौं : हिमालयन रि इन्स्योरेन्स लिमिटेडले फागुन २० गते साधारण सभा आह्वान गरेको छ । कम्पनीले आज सूचना जारी गर्दै लाभांश तथा हकप्रद पारितको प्रस्तावसहित साधारण सभा आह्वान गरेको हो ।

सभाले हाल कायम चुक्ता पूँजीको ४ प्रतिशतका दरले बोनस सेयर र सोको कर प्रयोजनार्थ ०.२१ प्रतिशतका दर नगद लाभांश वितरण गर्ने, बोनस सेयर वितरणपश्चात कायम चुक्ता पूँजीको ८० प्रतिशत हकप्रद सेयर निष्काशन गर्ने विशेष प्रस्ताव पारित गर्नेछ ।

त्यस्तै, सभाले संस्थापकसमूहको तर्फबाट रिक्त रहेको पदका लागि एक जना सञ्चालक र सर्वसाधारण समूहको तर्फबाट २ जना सञ्चालकको निर्वाचन गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।

कम्पनीले साधारण सभा तथा लाभांश प्रयोजनार्थ फागुन ७ गते एक दिनका लागि बुकक्लोज गर्ने भएको छ जसअनुसार फागुन ६ गतेसम्म नेप्सेमा कारोबार भइ कायम सेयरधनीहरुले मात्र साधारणसभामा सहभागी हुन र लाभांश प्राप्त गर्न सक्नेछन् ।