नेप्सेमा थपियो गरिमा विकास बैंकको सवा ४९ लाख कित्ता बोनस शेयर 

काठमाडौं : नेपाल स्टक एक्सचेन्ज (नेप्से) मा ४९ लाख बढी कित्ता बोनस शेयर थपिएको छ। सोमबार नेप्सेले गरिमा विकास बैंकको ९.५० प्रतिशत बोनस शेयर सूचीकृत गरेको हो ।

नेप्सेका अनुसार बैंकको ४९ लाख २८ हजार ३०२ दशमलव ७१ कित्ता बोनस शेयर सूचीकृत भएको हो । उक्त शेयर हितग्राहीको खातामा आएपछि दोस्रो बजारमा कारोबारमा आउनेछ ।

बैंकले गत आवको मुनाफाबाट ९.५ प्रतिशत बोनस शेयर र कर प्रयोजनका लागि ०.५ प्रतिशत नगद गरी कुल १० प्रतिशत लाभांश घोषणा गरेको थियो ।