हिमालयन रिको लाभांश सुरक्षित गर्ने आज अन्तिम दिन

काठमाडौं : हिमालयन रि इन्स्योरेन्स कम्पनीको लाभांश सुरक्षित गर्ने आज अन्तिम दिन रहेको छ ।

कम्पनीले गत आर्थिक बर्षको मुनाफाबाट वितरणको घोषणा गरेको ५ प्रतिशत बोनस सेयर र कर प्रयोजनार्थ ०.२१ नगद लाभांश गरी कुल ५.२१ प्रतिशत लाभांश वितरणको घोषणा गरेको थियो ।

कम्पनीले साधारणसभा तथा लाभांश प्रयोजनको लागि भोली (फागुन ७ गते) बुक क्लोज गर्दैछ । आज फागुन ६ गतेसम्म कायम सेयरधनीहरुले मात्र सभामा सहभागि हुन र लाभांश प्राप्त गर्न सक्नेछन् ।

कम्पनीले लाभांश पारित सहितका ऐजेन्डाहरु पारित गर्न फागुन २० गते आइतबार, राष्ट्रिय सभा गृह, प्रदर्शनी मार्ग, काठमाडौँमा तेस्रो वार्षिक साधारण आह्वान गरेको छ ।