राष्ट्र बैंकले १२ अर्ब २३ करोड रूपैयाँ बराबरको ट्रेजरी बिल नविकरण गर्ने

काठमाडौं : सरकारले ट्रेजरी बिल मार्फत १२ अर्ब रुपैयाँ बराबरको आन्तरिक ऋण उठाउने भएको छ । आज १२ अर्ब २३ करोड ३२ रुपैयाँ बराबरको ट्रेजरी बिल जारी गर्न लागेको राष्ट्र बैंकको मुद्रा व्यवस्थापन विभागले जनाएको छ ।

राष्ट्र बैंकले पाँच अर्ब रुपैयाँ बराबरको २८ दिने र सात अर्ब २३ करोड ३२ रुपैयाँ बराबरको ९१ दिन अवधिको ट्रेजरी बिल नविकरण गर्न लागेको हो ।

बैंकका अनुसार २८ दिन अवधिको ट्रेजरी चैत ६ गते र ९१ दिन अवधिको ट्रेजरी २०८१ जेठ ८ गते परिपक्क हुनेछ । उक्त ट्रेजरी बिलको बोलकबोल सोमबार दिँउसो ३ बजे हुनेछ । मंगलबार बाँडफाँट हुनेछ ।

यसअघि राष्ट्र बैंकले आठ अर्ब रुपैयाँ बराबरको २८ दिने, आठ अर्ब रुपैयाँ बराबरको ९१ दिने र छ अर्ब रुपैयाँ बराबरको १८२ दिन अवधिको ट्रेजरी बिल नविकरण गरेको थियो ।