सोनापुर मिनरल्सको ‘लक इन’ अवधि चैत २३ गते सकिने, चार लाख कित्ता बढी शेयर थपिदै 

काठमाडौं : सोनापुर मिनरल्स एण्ड आयल लिमिटेडको साधारण शेयर बिक्री (लकइन पिरियड) चैत २३ गतेबाट सकिने भएको छ  । कम्पनीले सामुहिक लगानी कोषका लागि छ्ट्याएको शेयरको लकइन पिरियड खुल्ला गर्न लागेको हो ।

कम्पनीले सर्वसाधारणमा जारी गरेको शेयरमध्ये ४ लाख २ हजार १९ कित्ता शेयरको लकइन पिरियड खुल्ला भएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ ।

कम्पनीले चुक्ता पुँजी तीन अर्ब सात करोड ५० लाखको ४० प्रतिशत अर्थात एक करोड २३ लाख २०० कित्ता शेयर सर्वसाधारणमा जारी गरेको थियो । 

जसमध्ये सामुहिक लगानी कोषका लागि छ्ट्याएको ५ प्रतिशत अर्थात ६लाख ८ हजार २८४ कित्ता शेयरमा नेपाल धितोपत्र बोर्डका निर्देशन अनुसार ४ लाख २ हजार १९ कित्ता लक इनमा राखिएको थियो । 

नेपाल धितोपत्र बोर्डले गत कात्तिक २० गते म्युचुअल फन्डहरुलाई बिक्री गरेको आईपीओ ६ महिनासम्म ‘लक इन’ राख्नु पर्ने व्यवस्था गरेको थियो । लक इन अवधि सकिएपछि म्युचुअल फन्डले होल्ड गरेको शेयर कारोबारका लागि योग्य हुनेछ ।