सिईडिबि हाइड्रोपावरको ‘लक इन’ अवधि बैशाख ३० गते सकिने, ५९ लाख कित्ता बढी शेयर थपिदै

काठमाडौं : सिईडिबि हाइड्रोपावर डेभलपमेन्ट कम्पनी लिमिटेडको साधारण शेयर बिक्री (लकइन पिरियड) बैशाख ३० गतेबाट सकिने भएको छ । कम्पनीले संस्थापक र कर्मचारीहरुका लागि छुट्याएको शेयरको लकइन पिरियड खुल्ला गर्न लागेको हो ।

कम्पनीले २०७८ बैशाख ३१ गते कम्पनीका संस्थापक र कर्मचारीहरुका लागि ५९ लाख २६ हजार २३५ कित्ता शेयर बाँडफाँट गरी तिन वर्षका लागि लकइनमा राखेको थियो । उक्त शेयरको लाकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ ।

कम्पनीले संस्थापक शेयरधनीहरुको  ५८ लाख ७५ हजार ८७०  कित्ता र कर्मचारीहरुलाई सुरक्षित गरिएको ५० हजार ३६५ कित्ता शेयर बाँडफाँट गरेको थियो । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।