नेपाल फाइनान्सको वितरणयोग्य नाफा २२ करोड ऋणात्मक, खराब कर्जा ९.२४ प्रतिशत

काठमाडौं : नेपाल फाइनान्स लिमिटेडको खुद नाफा ८७.२५ प्रतिशतले घटेको छ । कम्पनीले चालु आर्थिक वर्षको तेस्रो त्रैमाससम्ममा १३ लाख १८ हजार रुपैयाँ खुद नाफा कमाएको छ । गत वर्षको यसै अवधिको १ करोड ३ लाख रुपैयाँ कमाएको थियो । यो नाफा गत वर्षको तुलमामा ८७.२५ प्रतिशतले कम हो ।

खुद ब्याज आम्दानी गत वर्षको तुलनामा १३.२८ प्रतिशतले वृद्धि हुँदै ७ करोड ५९ लाख रुपैयाँ पुगेपनि इम्पेयरमेन्ट चार्ज बढेपछि खुद नाफा प्रभावित भएको हो ।

चैत मसान्तसम्ममा इम्पेयरमेन्ट चार्ज १ करोड ६६ लाख रुपैयाँ छ ।  खराब कर्जा दर १३.१६ प्रतिशत विन्दुबाट घटेर ९.२४ प्रतिशतमा झरेको छ ।

कम्पनीको चुक्ता पुँजी ७२ करोड ९४ लाख ९६ हजार रुपैयाँ रहेको र जगेडा कोषमा ४२ करोड ३९ लाख रुपैयाँ रहेको छ ।

वितरणयोग्य नाफा २२ करोड १० लाख रुपैयाँ ऋणात्मक रहेको छ । यसको इपीएस १.८९ रुपैयाँबाट घटेर ०.२४ रुपैयाँमा सीमित भएको छ भने प्रतिसेयर नेटवर्थ भने १३४.८३ रुपैयाँ छ ।