नारायणी डेभलपमेन्ट बैंकको अध्यक्षमा मलेकु चयन 

काठमाडौं : नारायणी डेभलपमेन्ट बैंकको अध्यक्षमा चन्द्रमान मलेकु चयन भएका छन् । बैंकको गत वैशाख २१ गते बसेको सञ्चालक समितिको बैठकले सञ्चालक समिति रहेका मलेकुलाई अध्यक्षमा चयन गरेको हो ।

बैंकको वैशाख १८ गते सम्पन्न साधारण सभाले संस्थापक शेयरधनीमा तानसेन न.पा १, पाल्पाका चन्द्रमान मलेकु र सिरान्चोक ८, गोरखाका टेकनाथ ढकाललाई निर्बिरोध निर्वाचित गरेको थियो । 

साथै सर्बसाधारण शेयरधनीको समूहबाट तारकेश्वर – ३, नुवाकोटका गणेशमान प्रधान र बोर्लाङ – ८ गोरखाका पुकार थापालाई निर्बिरोध निर्वाचित गरेको थियो।