Below Menu

हिमालय उर्जाकाे शतप्रतिशत हकप्रद शेयर साउन २४ गतेदेखि बिक्रीमा 

हिमालय उर्जाकाे शतप्रतिशत हकप्रद शेयर साउन २४ गतेदेखि बिक्रीमा 

काठमाडौं : हिमालय उर्जा विकास कम्पनी लिमिटेडले साउन २४ गतेदेखि हकप्रद शेयर निष्काशन तथा बिक्री खुला गर्ने भएको छ। कम्पनीले हाल कायम चुक्ता पूँजीको शतप्रतिशत अर्थात १ः१ को अनुपातमा हकप्रद शेयर निष्काशन गर्न लागेको हो।

Sponsored Advertisement

कम्पनीले प्रतिशेयर १०० रुपैयाँ अंकित मूल्यमा ९९ करोड रुपैयाँ बराबरको ९९ लाख कित्ता हकप्रद शेयर निष्काशन गनर्) लागेको हो । हकप्रद शेयर निष्काशन प्रयोजनका लागि कम्पनीले असार २० गते बुकक्लोज गरेको थियो। जसअनुसार असार १९ गतेसम्म कायम शेयरधनीहरुले मात्र उक्त हकप्रद शेयरका लागि आवेदन दिन सक्नेछन्। 

कम्पनीको हकप्रद शेयरमा भदौ १२ गतेसम्म आवेदन दिन सकिनेछ । कम्पनीको शेयर निष्काशन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ।

लगानीकर्ताले बिक्री प्रबन्धकका साथै नेपाल धितोपत्र बोर्डबाट अनुमति लिई आस्वा सेवामा सहभागी बैंक तथा वित्तीय संस्थाहरुबाट सि आस्वा र मेरो शेयर अनलाइन प्रयोग गरी आवेदन दिन सक्नेछन्। त्यस्तै, लक्ष्मी सनराइज बैंकको गोकुल गंगा गाउँपालिका, शिवालय, रामेछापबाट पनि आवेदन दिन सक्नेछन्।

हाल कम्पनीको चुक्ता पूँजी ९९ करोड रुपैयाँ रहेको छ। हकप्रद निष्काशन तथा बाँडफाँटपश्चात कम्पनीको चुक्ता पूँजी १ अर्ब ९८ करोड रुपैयाँ पुग्नेछ। 

थप समाचार