साहस उर्जाको ‘लक इन’ अवधि असोज १६ गते सकिने, पौने तीन करोड कित्ता शेयर थपिदै

काठमाडौं : साहस उर्जा लिमिटेडको साधारण शेयर बिक्री (लकइन पिरियड) असोज १६ गतेबाट सकिने भएको छ । कम्पनीले संस्थापक शेयरधनी, स्थानीय बासिन्दा र कर्मचारीहरुका लागि छुट्याएको शेयरको लकइन पिरियड खुल्ला गर्न लागेको हो ।

कम्पनीले २०७८ असोज १७ गते कम्पनीका संस्थापक शेयरधनी, स्थानीय बासिन्दा र कर्मचारीहरुका लागि २ करोड ८२ लाख १० हजार कित्ता शेयर बाँडफाँट गरी तिन वर्षका लागि लकइनमा राखेको थियो । उक्त शेयरको लाकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ ।

कम्पनीले संस्थापक शेयरधनीहरुको २ करोड ४५ लाख, स्थानीय बासिन्दाका ३५ लाख कित्ता र कर्मचारीहरुलाई सुरक्षित गरिएको २ लाख १० हजार कित्ता शेयर बाँडफाँट गरेको थियो । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।