नेपाल इन्भेष्टमेण्ट मेगा बैंकको ८३ हजार ७६ कित्ता शेयर बिक्रीमा

काठमाडौं : नेपाल इन्भेष्टमेण्ट मेगा बैंक लिमिटेडले ८३ हजार ७६ कित्ता संस्थापक बिक्रीमा ल्याएको छ । बैंकले संस्थापक शेयरधनीको नाममा रहेको उक्त शेयर विद्यमान संस्थापक शेयरधनीहरूले मात्र खरीद गर्न पाउने गरी बिक्रीमा ल्याएको हो ।

बैंकको शेयर खरिद गर्न इच्छुक विद्यमान संस्थापक शेयरधनीहरूले आगामी ३५ दिनभित्र बैंकको केन्द्रिय कार्यालय लाजिम्पाट, काठमाडौंमा रहेको शेयर शाखामा आवेदन पेश गर्नुपर्नेछ । 

तोकिएको अवधिभित्र विद्यमान संस्थापक शेयरधनीहरूले आवेदन पेश नगरेमा अन्य व्यक्ति तथा संस्थामा शेयर बिक्री गरिने बैंकले जनाएको छ