अब वालेटमा एक दिनमा तीस पटकसम्म रकम जम्मा गर्न सकिने, राष्ट्र बैंकले बढायो सीमा 

काठमाडौं : नेपाल राष्ट्र बैंकले भुक्तानी सेवा प्रदायकहरुले सञ्चालन गरेका वालेटमा रकम जम्मा गर्ने सीमा (संख्या) लार्य अस्थायी रुपमा वृद्धि गरेको छ । राष्ट्र बैंकले दशैँ लगायतका चाडपर्वका लागि यो सुविधा दिएको हो ।

Sponsored Advertisement

राष्ट्र बैंकले दशैँको अवसरमा असोज २१ गतेदेखि कात्तिक १ गते कोजाग्रत पूर्णिमाको दिनसम्म र शुभ दिपाववली तथा छठ पर्वको अवसरमा कात्तिक १५ गतेदेखि कात्तिक २२ गतेसम्म वालेटमा एक दिनमा बढीमा ३० पटकसम्म रकम जम्मा गर्न सकिने व्यवस्था गरेको हो । 

यसका साथै राष्ट्र बैंकले उपरोक्त समयमा भएको कारोबारको संख्या र कारोबारको कुल रकम भुक्तानी प्रणाली विभागमा जानकारी गराउन समेत भनेको छ । 

भुक्तानी प्रणालीसम्बनत्री एकीकृत निर्देशन अनुसार यसअघि एकदिनमा प्राकृतिक व्यक्तिको वालेटमा एक दिनमा बढीमा १० पटसम्म रकम जम्मा गर्न सकिने व्यवस्था रहेको थियो ।