Below Menu

राजस्व अनुसन्धान विभागद्धारा दुई अर्ब १२ करोड बिगाे माग दाबी गर्दै १८ मुद्दा दायर

राजस्व अनुसन्धान विभागद्धारा दुई अर्ब १२ करोड बिगाे माग दाबी गर्दै १८ मुद्दा दायर

काठमाडौं : राजस्व अनुसन्धान विभागले राजश्व चुहावट तथा विदेशी विनिमय अपचलनतर्फ २ अर्ब १२ करोड बढीको मुद्दा दर्ता गरेको छ ।

Sponsored Advertisement

विभागले चालु आर्थिक वर्षको पहिलो त्रैमाससम्म राजश्व चुहावट तथा विदेशी विनिमय अपचलनतर्फ ४६ प्रतिवादी रहेको १८ वटा मुद्दामा कुल २ अर्ब १२ करोड ५९ लाख २५ हजार सजाय माग दाबी गरेको हो । 

विभागले राजश्व चुहावटतर्फ १६ करोड ७८ लाख २१ हजार २९८ रुपैयाँ माग दाबी गर्दै ३० जना प्रतिवादीविरुद्ध ५ वटा मुद्दा दायर गरेको छ । उक्त मुघामा १६ करोड ७८ लाख २१ हजार २९८ रुपैयाँ बिगो कायम गरिएको छ ।

त्यस्तै, विदेशी विनिमय अपचलनतर्फ विभागले एक अर्ब ९५ करोड ८१ लाख ३ हजार ७३४ रुपैयाँ माग दाबी गर्दै १६ जना प्रतिवादीविरुद्ध १३ वटा मुद्दा दायर गरेको छ । विभागले ६५ करोड २७ लाख १ हजार २४४ रुपैयाँ बिगो कायम गरी मुद्दा दायर गरेको छ ।  

त्यस्तै विभागले मालवस्तु तथा ढुवानी साधनको अनुगमन (भीसीटीएस) तर्फ अनुगमनबाट ५५ लाख ९३  हजार जरिवाना असुल भएको जनाएको छ । 

असोज मसान्तसम्म वेभमा आधारित मालवस्तु तथा ढुवानी साधनको अनुगमन प्रणाली (भीसीटीएस) को अनुगमनबाट १५८ फार्म तथा कम्पनीलाई कारबाही भएको विभागले जनाएको छ ।

यसका साथै विभागले आर्थिक सुशासन कायम गर्न पछिल्लो समय राजस्व चुहावट र विदेशी विनिमय अपचलन नियन्त्रणलाई प्रभावकारी बनाउँदै लगिएको दाबी गरेको छ । 


 

थप समाचार