भन्सार दर घट्दा सुनचाँदीको मूल्यमा भारी गिरावट, एकैदिन तोलामा करिब १६ हजारले घट्यो

काठमाडौं : नेपाली बजारमा सोमबार सुनचाँदीको मूल्य भारी गिरावट देखिएको छ ।नेपाल सुनचाँदी व्यवसायी महासंघका आज सुनको मूल्य प्रतितोला १५ हजार ९०० रुपैयाँले घटेको हो । त्यस्तै आज चाँदीको मूल्य भने तोलामा १५५ रुपैयाँले घटेको छ ।

सरकारले सुनचाँदीको भन्सारदर घटाएसँगै मूल्यमा भारी गिरावट आएको हो । मंसिर ६ गते बसेको मन्पिरिषद्को बैठकले सुनचाँदीको भन्सारददर घटाएर १० प्रतिशत झारेको छ ।

महासंघका अनुसार आज छापावाला सुनको मूल्य प्रतितोला १ लाख ५१ हजार ३०० रुपैयाँमा कारोबार भइरहेको छ ।

त्यस्तै, आज चाँदीको मूल्य प्रतितोला एक हजार ८४५ रुपैयाँमा कारोबार भइरहेको महासंघले जनाएको छ ।