बढ्दो पर्यटक आगमनले होटलको व्यापारमा सुधार, नौ महिनामा कमाए साढे ८० करोड नाफा 

काठमाडौं : पछिल्लो समय होटलको व्यापारमा उल्लेख्य वृद्धि भएको पाइएको छ । पर्यटक आवागन बढेसँगै होटल तथा रेष्टुरेन्टको आम्दानीमा सुधार आएको छ ।

होटलहरुको व्यवसाय बढेसँगै नाफामा पनि बढोत्तरी देखिएको छ । चालु आर्थिक वर्षको चैत मसान्तसम्म होटल तथा पर्यटन समुहका छ कम्पनीहरुको नाफा ८० करोड ३६ लाख १६ हजार रुपैयाँ रहेको छ ।

उक्त नाफा गत आवको सोही अवधिको तुलनामा होटलहरुको नाफा ४.२९ प्रतिशतले बढेको हो । गत वर्षको चैत मसान्तसम्म होटलहरुको नाफा ७७ करोड ५ लाख ३७ हजार रुपैयाँ रहेको थियो ।

हाल बजारमा होटल तथा पर्यटन समूहका ६ कम्पनी सूचीकृत छन् । सूचीकृतमध्ये सिटि होटल नोक्सानीमा रहेको छन् । यस अवधिमा आइपुग्दा ओरियन्टल होटलको नाफा पनि घटेको भने अन्य सबै कम्पनीहरु नाफामा रहेका छन् ।

पछिल्लो समय पर्यटन आवागमनमा वृद्धि भएसँगै होटल तथा पर्यटन व्यवसायमा उल्लेख्य वृद्धि भएको छ । सन् २०२५ को जनवरी देखिनै पर्यटन आवागन उच्च छ । 

नेपालमा विदेशी पर्यटकको संख्या बढ्दा यसको प्रत्यक्ष प्रभाव होटल व्यवसायमा देखिएको छ । विदेशी पर्यटकहरुको बढ्दो आगमनले होटलहरुको नाफामा सुधार देखिएको हो । 

सञ्चालित कम्पनीहरुमा चन्द्रागिरि हिल्स र कालिञ्चोक दर्शनको मुख्य व्यापार केबुलकार सञ्चालन बापत सेवा शुल्क हो भने सोल्टी, तारागाउँ रिजेन्सी, ओरियन्टल र सिटीको मुख्य व्यापारमा होटल व्यवसाय रहेको छ ।

बाह्य पर्यटक संख्या बढ्दा आम्दानीमा सकारात्मक टेवा पुग्न गई नाफामा सुधार भएको होटलहरूले सार्वजनिक गरेको वित्तीय विवरणमा उल्लेख छ ।

सोल्टी होटल

चालु आर्थिक वर्षको दोस्रो त्रैमाससम्म आइपुग्दा सोल्टी होटलले ४६ करोड ७३ लाख रुपैयाँ खुद नाफा कमाएको छ । उक्त नाफा गत आवको सोही अवधिको तुलनामा १३.३६ प्रतिशतले बढी हो । गत वर्ष होटलले ४१ करोड २३ लाख रुपैयाँ नाफा कमाएको थियो । समिक्षा अवधिमा होटलको आम्दानीमा वृद्धि भएसँगै नाफा बढेको हो ।

चैत मसान्तसम्म होटलको कुल आम्दानी एक अर्ब ६८ करोड ३२ लाख रुपैयाँबाट बढेर एक अर्ब ८९ करोड ८ लाख रुपैयाँ पुगेको छ । होटलको प्रतिशेयर आम्दानी ४.५७ रुपैयाँमा झरेको छ । 

ओरियन्टल होटल

दि ओरियन्टल होटल लिमिटेडले चालु आर्थिक वर्षको तेस्रो त्रैंमाससम्म चार करोड ४७ लाख ५८ हजार रुपैयाँ खुद नाफा कमाएको छ । उक्त नाफा अघिल्लो आवको सोही अवधिको तुलनामा ३२.१६ प्रतिशतले कम हो । गत वर्ष होटलले छ करोड ५९ लाख ७८ हजार रुपैयाँ नाफा कमाएको थियो ।

समिक्षा अवधिमा होटलको आम्दानी घट्दा नाफा घटेको हो । चैत मसान्तसम्म होटलको कुल आम्दानी ८१ करोड ९६ लाख ८५ हजार रुपैयाँबाट घटेर ७५ करोड १६ लाख ६४ हजार रुपैयाँमा झरेको छ । होटलको प्रतिशेयर आम्दानी ३.७८ रुपैयाँ रहेको छ ।

तारागाउँ रिजेन्सी होटल

तारागाउँ रिजेन्सी होटल लिमिटेडले यस अवधिमा ३३ करोड ७५ लाख रुपैयाँ खुद नाफा कमाएको छ । उक्त नाफा गत आवको सोही अवधिको तुलनामा १.२८ प्रतिशतले बढी हो । गत वर्ष होटलले ३३ करोड ३२ लाख रुपैयाँ नाफा कमाएको थियो । समिक्षा अवधिमा होटलको सञ्चालन आम्दानीमा वृद्धि भएसँगै नाफा बढेको हो ।

चैत मसान्तसम्म होटलको सञ्चालन आम्दानी ७.२५ प्रतिशतले बढेको छ भने कुल आम्दानी ६.२१ प्रतिशतले बढेको छ । होटलको प्रतिशेयर आम्दानी १७ रुपैयाँ २० पैसा रहेको छ ।

सिटी होटल्स

सिटी होटल्स लिमिटेडले चालु आर्थिक वर्षको तेस्रो त्रैंमाससम्म १७ करोड ३८ लाख रुपैयाँ नोक्सानी व्यहोरेको छ । गत वर्षको सोही अवधिमा १५ करोड ३७ लाख रुपैयाँ नोक्सानी व्यहोरेको थियो ।

गत आवको सोही अवधिको तुलनामा होटलको नोक्सानी बढेको हो । यस अवधिमा होटलको वित्तीय खर्च घटेका कारण नोक्सानी घटेको हो ।
चैत  मसान्तसम्म होटलको सञ्चालन आम्दानी ३७ करोड ५४ लाख रुपैयाँ रहेको छ । गत वर्ष यस्तो आम्दानी ४२ करोड ७ लाख ८८ हजार रुपैयाँ रहेको थियो । होटलको प्रतिशेयर आम्दानी १० रुपैयाँ १८ पैसा ऋणात्मक छ ।

कालिन्चोक दर्शन

चालु आर्थिक वर्षको तेस्रो त्रैमाससम्म आइपुग्दा कालिन्चोक दर्शनले एक करोड ८९ लाख २ हजार रुपैयाँ नाफा कमाएकोे छ । जुन गत वर्षको तुलनामा २९८.७ प्रतिशतले बढी हो । गत वर्षको यसैअवधिमा कम्पनीले ४७ लाख ४६ हजार रुपैयाँ नाफा कमाएको थियो । 

चैत मसान्तसम्म होटलको आम्दानी ५ करोड ६२ लाख रुपैयाँ रहेको छ भने होटलको प्रतिशेयर आम्दानी ४ रुपैयाँ १४ पैसा रहेको छ ।

चन्द्रागिरी हिल्स

चन्द्रागिरी हिल्स लिमिटेडले नौं महिनामा १० करोड ८८ लाख रुपैयाँ खुद नाफा आर्जन गरेको छ । जुन गत आर्थिक वर्षको सोही अवधिको तुलनामा ०.८३ प्रतिशतले बढि हो । गत आवमा कम्पनीले १० करोड ७९ लाख रुपैयाँ खुद नाफा आर्जन गरेको थियो ।

चैत मसान्तसम्म कम्पनीको सञ्चालन आम्दानी ८.९५ प्रतिशतले घटेको छ भने कुल खर्च २६.११ प्रतिशतले घटेको छ । कुल खर्च घट्दा होटलको नापाmमा उल्लेख्य सुधार देखिएको हो । होटलको प्रतिशेयर आम्दानी ७ रुपैयाँ ९ पैसा रहेको छ ।