वाणिज्य बैंकहरुको लगानीयोग्य रकम १२ खर्ब नाघ्यो, साढे ६१ खर्ब निक्षेप उठाउँदा कर्जा लगानी सुस्त !

काठमाडौं : वाणिज्य बैंकहरुमा लगानीयोग्य रकम (तरलता) निरन्तर रुपमा बढ्दै गएको छ । बजारमा ऋणको माग संकुचित हुँदै जाँदा बैंकहरुको लगानी योग्य रकम बढ्दै गएको हो । नेपाल बैंकर्स संघ (एनबीए) को पछिल्लो तथ्यांक बैंकहरुको तरलता १२ खर्ब नाघेको पुगेको छ ।

संघका अनुसार चालु आवको बैशाखसम्म वाणिज्य बैंकहरुको निक्षेप ६१ खर्ब ४३ अर्ब रुपैयाँ रहेको छ । बैंकहरुले झण्डै साढे ६१ खर्ब निक्षेप संकलन गर्दा ४९ खर्ब ११ अर्ब रुपैयाँ ऋण लगानी गरेका छन् ।

यस अवधिमा बैंकहरुको लगानीयोग्य रकम १२ खर्ब ३२ अर्ब रुपैयाँ पुगेको छ । संघको अनुसार बैशाखसम्म बैंकहरुको निक्षेप कर्जाको अनुपात (सीडी) रेसियो ७९.६९ प्रतिशत कायम भएको छ । 

कुन महिनामा कति संकलन ?

गत चैत महिनाको तुलनामा वाणिज्य बैंकहरुको निक्षेप संकलन २३ अर्ब रुपैयाँले बढेको छ । गत चैत मसान्तसम्म वाणिज्य बैंकहरुमा  ६१ खर्ब २० अर्ब रुपैयाँ निक्षेप रहेको थियो । 

यद्यपी चालु आवको १० महिनामा भने वाणिज्य बैंकहरुको निक्षेप ३ खर्ब ८ ८अर्ब रुपैयाँले बढेको छ । गत असार मसान्तसम्म वाणिज्य बैंकहरुको निक्षेप ५७ खर्ब ५५ अर्ब रुपैयाँ रहेको थियो । 

त्यसपछि साउनमा ३९ अर्बले घटेको निक्षेप भदौमा ७३ अर्ब रुपैयाँर असोजमा एक खर्ब ३३ अर्ब रुपैयाँले बढेको थियो । 

दुई बैंकको निक्षेप पाँच खर्ब माथि

संघको तथांक अनुसार यस अवधिमा दुई बैंकहरुले पाँच खर्ब बढी निषेप संकलन गरेका छन् । चैतसम्म ग्लोबल आईएमई बैंकको निक्षेप सबैभन्दा बढी रहेको छ ।

बैंकले ५ खर्ब ४० अर्ब ७३ करोड रुपैयाँ निक्षेप संकलन गरेको छ । त्यस्तै नबिल बैंकले यस अवधिमा पाँच खर्ब सात अर्ब १४ करोड रुपैयाँ निक्षेप संकलन गरेको छ ।

अन्य बैंकहरुको निक्षेप कति ?

संघका अनुसार यस अवधिमा नेपाल इन्भेष्टमेन्ट मेगा बैंकले चार खर्ब ६२ अर्ब ४१ करोड रुपैयाँ र राष्ट्रिय वाणिज्य बैंकले चार खर्ब ५६ अर्ब ९३ करोड रुपैयाँ निक्षेप संकलन गरेको छ ।

बैशाखसम्म कृषि विकास बैंकले दुई खर्ब ५७ अर्ब, सिटिजन बैंक इन्टरनेशनलले दुई खर्ब एक अर्ब, एभरेष्टले दुई खर्ब ७४ अर्ब, हिमालयनले तीन खर्ब ५ अर्ब, कुमारीले तीन खर्ब ५६ अर्ब, लक्ष्मी सनराइजले तीन खर्ब ५२ अर्ब, माछापुच्छ्रे एक खर्ब ७१ अर्ब र नेपाल बैंकले तीन खर्ब १८ अर्ब रुपैयाँ निक्षेप संकलन गरेका छन् ।

त्यसैगरी यस अवधिमा नेपाल एसबीआई बैंकले एक खर्ब ९५ अर्ब, एनआईसी एशियाले दुई खर्ब ९४ अर्ब, एनएमबीले दुई खर्ब ७१ अर्ब, प्रभुले तीन खर्ब २४ अर्ब, प्राइम कमर्सियलले दुई खर्ब ४९ अर्ब, सानिमाले दुई अर्ब १७ अर्ब, सिद्धार्थले दुई खर्ब ५८ अर्ब र स्ट्याण्डर्ड चार्टर्ड बैंकले एक खर्ब २६ अर्ब रुपैयाँ निक्षेप संकलन गरेको संघको तथ्यांकमा उल्लेख छ । 

कर्जा प्रवाहको अवस्था  

बैशाखसम्म आइपुग्दा बैंकहरुको कर्जा प्रवाह तीन खर्ब ४० अर्ब रुपैयाँले बढेको । गत असार मसान्तसम्म ४५ खर्ब ७१ अर्ब रुपैयाँ रहेको वाण्ज्यि बैंकहरुको कर्जा प्रवाह बढेर ४९ खर्ब ११ अर्ब रुपैयाँ पुगेको हो । 

तथापी गत चैतको तुलनामा भने कर्जा प्रवाह ४ अर्ब रुपैयाँले घटेको छ । गत चैत मसान्तसम्ममा वाणिज्य बैंकहरुको कुल कर्जा प्रवाह ४९ खर्ब १५ अर्ब रुपैयाँ रहेको थियो ।

कर्जा लगानीमा ग्लोबलकै अग्रता

एनबीएले प्रकाशित गरेको तथ्यांक अनुसार निक्षेप संकलन सँगै कर्जा प्रवाहमा पनि ग्लोबल आईएमई बैंकले अगाडी रहेको छ । बैंकले बैशाखसम्म चार खर्ब ४० अर्ब रुपैयाँ कर्जा प्रवाह गरेको छ । त्यस्तै नबिल बैंकले चार खर्ब २४ अर्ब रुपैयाँ कर्जा प्रवाह गरेको छ । 

संघका अनुसार नेपाल इन्भेष्टमेन्ट मेगाले ३ खर्ब ५४ अर्ब रुपैयाँ, कुमारीले दुई खर्ब ९३ अर्ब रुपैयाँ, राष्ट्रिय वाणिज्य बैंकले २ खर्ब ९५ अर्ब रुपैयाँ, लक्ष्मी सनराइजले २ खर्ब ८८ अर्ब रुपैयाँ र एनआइसी एशिया बैंकले २ खर्ब ४० अर्ब रुपैयाँ कर्जा लगानी गरेका छन् ।

यस अवधिमा हिमालयन बैंकले २ खर्ब ५३ अर्ब रुपैयाँ, प्रभु बैंकले २ खर्ब ३४ अर्ब रुपैयाँ, एनएमबीले २ खर्ब ३६ अर्ब रुपैयाँ, नेपाल बैंकले २ खर्ब ३१ अर्ब रुपैयाँ, एभरेष्टले २ खर्ब २४ अर्ब, सिद्धार्थ बैंकले २ खर्ब १९ अर्ब रुपैयाँ, र प्राइम कमर्सियल बैंकले २ खर्ब २१ अर्ब रुपैयाँ कर्जा प्रवाह गरेका छन् ।

चालु आवको दश महिनामा कृषि विकास बैंकले २ खर्ब १३ अर्ब रुपैयाँ कर्जा लगानी गर्दा सिटिजन्स बैंक इन्टरनेशनलले एक खर्ब ७४ अर्ब रुपैयाँ, माछापुच्छ्रेले एक खर्ब ४७ अर्ब रुपैयाँ, नेपाल एसबीआईले एक खर्ब ४१ अर्ब रुपैयाँ, सानिमाले एक खर्ब ८३ अर्ब रुपैयाँ र स्टान्डर्ड चार्टर्ड बैंकले ९० अर्ब रुपैयाँ कर्जा प्रवाह गरेको तथ्यांकमा उल्लेख छ ।

कुन बैंकको लगानी योग्य क्षमता कति ? 

एनबीएका अनुसार यस अवधिमा बैंकहरुको औषत सीडी रेसियो ७९.२६ प्रतिशत कायम भएको छ । २० वाणिज्य बैंकहरुमध्ये अधिकांशको सीडी रेसियो ८० प्रतिशतमाथि रहेको छ ।

यस अवधिमा लगानीयोग्य क्षमता बढी रहेको बैंकमा राष्ट्रिय वाणिज्य बैंक र स्ट्याण्डर्ड चार्टड बैंक रहेका छन् । बैंकहरुको सीडी रेसियो क्रमशः ६४.४० प्रतिशत र ७१.३४ प्रतिशत रहेको छ । 

संघका अनुसार कृषि विकास बैंकको सीडी रेसियो ७७.६८ प्रतिशत, सिटिजन्सको ८६.७६ प्रतिशत, एभरेष्ट बैंकको ८१.५४ प्रतिशत, ग्लोबल आइएमईको ७८.८८ प्रतिशत, हिमालयन बैंकको ८२.३० प्रतिशत र कुमारी बैंकको सीडी रेसियो ८०.७७ प्रतिशत रहेको छ । 

त्यसैगरी लक्ष्मी सनराइज बैंकको सीडी रेसियो ८१.५७ प्रतिशत, माछापुच्छ्रेको ८५.६४ प्रतिशत, नबिलको ८३.७० प्रतिशत, नेपाल बैंकको ७२.७० प्रतिशत, नेपाल इन्भेष्टमेन्ट मेगाको ७५.७८ प्रतिशत र नेपाल एसबिआई बैंकको ७५.३१ प्रतिशत रहेको छ । 

संघका अनुसार यस अवधिम एनआईसी एसियाको ८२.६८ प्रतिशत, एनएमबि बैंकको ८३.३१ प्रतिशत, प्रभु बैंकको ७२.३१ प्रतिशत, प्राइम कमर्सियलको ८४.९६ प्रतिशत, सानिमाको ८१.६५ प्रतिशत र सिद्धार्थ बैंकको सीडी रेसियो  ८१.९७ प्रतिशत कायम भएको छ ।