अत्यावश्यक बैंकिङ तथा डिजिटल सेवा भुक्तानी सेवा सञ्चालन गर्न राष्ट्र बैंकको निर्देशन

काठमाडौं : अत्यावश्यक बैंकिङ तथा डिजिटल सेवा भुक्तानी सेवा सञ्चालन गर्न बैंक तथा वित्तीय संस्थालाई राष्ट्र बैंकले निर्देशन दिएको छ ।

राष्ट्र बैंकले सूचना जारी गर्दै भनेको छ, ‘सीमित कर्मचारीबाट आफ्ना सम्वेदनशील प्रणाली सञ्चालन गरी अत्यावश्यक बैंकिङ तथा डिजिटल भुक्तानीसम्बन्धी सेवा सुचारू गर्नुहुन र अन्य प्रणालीको हकमा जोखिमको आधारमा रिमोट एक्सिसमार्फत सञ्चालन गर्ने व्यवस्था मिलाउनुहुन साथै सञ्चालनमा आएका शाखा, एटीएम र उपलब्ध सेवासम्बन्धी सूचना आफ्नो वेभसाईट तथा सामाजिक सञ्जालमार्फत सर्वसाधारणलाई जानकारी गराउनुहुन यो सूचना जारी गरिएको छ ।’