राष्ट्र बैंकको प्रवक्तामा गुरुप्रसाद पौडेल नियुक्त 

काठमाडौं : नेपाल राष्ट्र बैंकको प्रवक्तामा गुरुप्रसाद पौडेल नियुक्त भएका छन् । बैंकका कार्यकारी निर्देशक (अधिकृत विशिष्ट श्रेणी) पौडेल कात्तिक १९ देखि लागू हुने गरी बैंकको प्रवक्ता तोकिएका हुन् । 

वि.सं. २०५९ सालमा बैंक सेवामा प्रवेश गरेका पौडेलको बैंक तथा वित्तीय संस्था नियमन विभाग, भुक्तानी प्रणाली विभाग, विदेशी विनिमय व्यवस्थापन विभाग, बैंक सुपरिवेक्षण विभागलगायतको कार्यानुभव रहेको छ । 

हाल उनी मानव संसाधन व्यवस्थापन विभागमा कार्यरत छन् ।