मन्जुश्री फाईनान्सको ‘मन्जुश्री भर्चुअल क्रेडिट कार्ड’ सार्वजनिक

काठमाडौं : मन्जुश्री फाईनान्स लिमिटेडले ‘मन्जुश्री भर्चुअल क्रेडिट कार्ड’ सार्वजनिक गरेको छ। ग्राहकले मन्जुश्री मोबाइल बैंकिङ एपमार्फत फोनपेको कुनै पनि मर्चेन्ट क्यूआरमा सजिलै भुक्तानी गर्न सक्ने कम्पनीले जनाएको छ । 

Sponsored Advertisement

आफ्नो मोबाइलमै हुने, आफूले चलाएको रकमको विवरण तुरुन्तै हेर्न मिल्ने तथा न्युनतम १५ दिनदेखि अधिकतम ४५ दिनसम्म विना ब्याज क्रेडिट कार्ड सीमासम्मको सुविधा उपभोग गर्न मिल्ने व्यवस्था कार्डमा रहेको बताइएको छ । 

यो कार्डमा आफ्नो क्रेडिट कार्ड सीमासम्मको रकम सहजै चलाउन मिल्ने तथा क्यूआर गरी सजिलै भुक्तानी गर्न मिल्ने जस्ता सुविधा छन् । यो कार्डले ग्राहकलाई थप वित्तीय सेवा दिने विश्वास कम्पनीकोे छ ।

हालसम्म करिब २४ अर्ब निक्षेप संकलन  तथा २०.५ अर्ब कर्जा प्रबाह गरेको यस मन्जुश्री फाईनान्सले २७ वटा शाखाको साथै एउटा विस्तारित काउन्टरबाट आफ्नो ग्राहकहरुलाई उत्कृष्ट बैंकिंग सेवा उपलब्ध गराईरहेको छ ।