हिमालयन लाइफ इन्स्योरेन्सको कार्यबाहक सीईओमा कवि फुँयाल

कम्पनीको असोज १३ गते बसेको सञ्चालक समिति बैठकले वरिष्ठ नायव प्रमुख कार्यकारी अधिकृत फुँयाललाई कार्यबाहक सीईओको जिम्मेवारी दिने निर्णय गरेको हो ।

Sponsored Advertisement

काठमाडौं : हिमालयन लाइफ इन्स्योरेन्स कम्पनी लिमिटेडको कार्यबाहक प्रमुख कार्यकारी अधिकृत (सीईओ) को जिम्मेवारी कवि फुँयालले पाएका छन् ।

कम्पनीका अनुसार फुँयाललाई आज सोमबारदेखि लागू हुने गरी उक्त जिम्मेवारी दिइएको हो ।

बैंकिङ क्षेत्रबाट व्यावसायिक यात्रा सुरु गरेका फुँयालले प्राइम लाइफ, सिटिजन लाइफ, आईएमई लाइफ र सन नेपाल लाइफ इन्स्योरेन्समा काम गर्दै जीवन बीमा क्षेत्रको व्यवस्थापनमा अनुभव हासिल गरेका छन्। आईएमई लाइफको सीईओ र सन नेपाल लाइफको वरिष्ठ नायव प्रमुख कार्यकारी अधिकृतको जिम्मेवारी सम्हालिसकेका उनी अहिले हिमालयन लाइफ इन्स्योरेन्सको कार्यबाहक सीईओ बनेका हुन्।