सहकारीको ऋण नतिर्नेलाई मात्रै होइन्, तिर्नु पर्दैन भन्नेलाई पनि कारबाही गर्छौं: प्रहरी

बागलुङ : जिल्ला प्रहरी कार्यालय बागलुङका प्रहरी प्रमुख (एसपी) ऋषीराम कंडेलले सहकारीको ऋण नतिर्नेलाई मात्र होइन्, तिर्नु पर्दैन भन्नेलाई पनि कारबाही गरिने बताएका छन्। ऋण तिर्नु पर्दैन भनेर जबरजस्ती स्थापित गर्न खोजिएको भन्दै उनले त्यस्ता व्यक्तिलाई कानुनको दायरामा ल्याउँन प्रहरीले सहकारी अभियानलाई सघाउने बताए ।

सहकारी रजिष्ट्रारको कार्यालय गण्डकी प्रदेश पोखराले बागलुङमा आयोजना गरेको सहकारीता, सहकारी ऐन, नियम तथा समसामयिक विषयमा अभिमूखिकरण कार्यक्रममा बोल्दै उनले यस्तो बताएका हुन् ।

समाजमा घटेका हरेक घटनामा आर्थिक विषय जोडिएको भन्दै उनले सहकारी क्षेत्रमा देखिएको समस्याले समाजको शान्ति सुरक्षामा समेत प्रभाव परेको बताए। जनताको जीउ धनको सुरक्षा गर्नु राज्यको दायित्व भएको भन्दै कंडेलले एक नागरिकको पैसा अर्काे नागरिकले खाएर उम्कन नमल्निे र आफुहरुले उम्कन पनि नदिने बताए ।