नेप्सेमा दोहोरो अंकको करेक्सनः साढे आठ अर्ब माथिको कारोबार, अप्पर तामाकोशीको सर्वाधिक शेयर किनबेच 

काठमाडौं : साताको दोस्रो कारोबार दिन सोमबार (आज) शेयर बजार दोहोरो  अंकले घटेको छ । नेपाल स्टक एक्सचेञ्ज नेप्से परिसूचक १७.१८ अंकले घटेर २२४०.४१ बिन्दुमा पुगेको हो । आइतबार नेप्से ५२.९७ अंकले बढेर २२५७.५९ बिन्दुमा  बन्द भएको थियो ।

आज कारोबारमा आएका ५६ कम्पनीको शेयरमूल्य बढेको छ । भने १८४ कम्पनीको शेयरमूल्य घटेको छ । त्यस्तै आज दुई कम्पनीको शेयरमूल्य स्थिर रहेको छ । 

शेयर बजार घटेपनि कारोबार रकममा भने उछाल देखिएको छ । आज बजारमा आठ अर्ब ७३ करोड १४ लाख रुपैयाँ बराबरको कारोबार भएको छ । आइतबार नेप्सेमा ७ अर्ब ६२ करोड चार लाख रुपैयाँ बराबरको कारोबार भएको थियो ।

आज अप्पर तामाकोशी हाइड्रोपावर कम्पनीको सर्वाधिक शेयर कारोबार भएको छ । यस कम्पनीको आज २४ करोड २७ लाख रुपैयाँ बराबरको कारोबार भएको हो ।

सर्वाधिक मूल्य बढ्नेमा सिभिल बैंक डिबेञ्चर रहेको छ । आज यस कम्पनीको शेयरमूल्य सर्किट लेभलमा पुगेको हो । आज जानकी फाइनान्स कम्पनीको  शेयरमूल्यमा नेगेटिभ सर्किट लागेको छ ।