Below Menu

तनहुँ मालपोतद्वारा ३६ करोड राजस्व सङ्कलन

तनहुँ मालपोतद्वारा ३६ करोड राजस्व सङ्कलन

तनहुँ : मालपोत कार्यालयले आर्थिक वर्ष २०८०/८१ मा  ३६ करोड राजस्व सङ्कलन गरेको छ । यो आव २०७९/८० को तुलनामा  ६ करोडले बढी हो ।

Sponsored Advertisement

गत आवमा  ३० करोड २१ लाख ४९ हजार चार सय ३२ रुपैयाँ सङ्कलन गरेको कार्यालयका लेखा अधिकृत विष्णुप्रसाद तिमिल्सिनाले जानकारी दिए । सङ्कलित रकममध्ये  १२ करोड ८६ लाख ६७ हजार नौ सय ७४ रुपैयाँ सङ्घीय सञ्चित कोषमा, चार करोड ९५ लाख ७५ हजार दुई सय ८३ प्रदेश सञ्चित कोषमा दाखिला भएको छभने बाँकी १८ करोड १३ लाख आठ हजार नौ सय ७० रुपैयाँ मध्ये ६० प्रतिशत जिल्लाका १० स्थानीय पालिकामा र ४० प्रतिशत गण्डकी प्रदेश सरकारको खातामा दाखिला भएको छ ।

जग्गा वर्गीकरण लागू हुँदा जिल्लाका अधिकांश जग्गा आवासीय क्षेत्रमा वर्गीकरण गरिएका कारण राजस्व सङ्कलनमा वृद्वि भएको सो कार्यालयले जनाएको छ । कृषि जग्गाको तुलनामा आवासीय जग्गाको राजस्वदर बढी रहेकाले राजस्व वृद्वि भएको हो ।

बैंक तथा वित्तीय सङ्घसंस्थाले ऋण लगानी गरी असुली गर्न नसकेपछि लिलाम गरी दाखिला खारेजी गर्दा, घरजग्गाको न्यूनतम मूल्य छाडेर धितोमा कारोबारलगायत कार्यबाट उल्लेखनीय राजस्व सङ्कलन बढ्नुको अर्को कारण हो । 
 

थप समाचार