आशा लघुवित्तको २० लाख १४ हजार कित्ता शेयरको ‘लक इन’ अवधि फागुन ११ गते सकिने 

काठमाडौं : आशा लघुवित्त वित्तीय संस्थाको साधारण शेयर बिक्री (लकइन पिरियड) फागुन ११ गतेबाट सकिने भएको छ । कम्पनीले संस्थापक शेयरधनी र कर्मचारीहरुका लागि छुट्याएको शेयरको लकइन पिरियड खुल्ला गर्न लागेको हो ।

कम्पनीले २०७८ फागुन ४ गते कम्पनीका संस्थापक शेयरधनी र कर्मचारीहरुका लागि २० लाख १४ हजार २२७ दशलमव ५० कित्ता शेयर बाँडफाँट गरी तिन वर्षका लागि लकइनमा राखेको थियो । उक्त शेयरको लाकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ ।

कम्पनीले संस्थापक शेयरधनीहरुको १९ लाख ९९ हजार ३७५ कित्ता र कर्मचारीहरूको १४ हजार ८५२ दमलशव ५० कित्ता शेयर बाँडफाँट गरेको थियो । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।