सोलु हाइड्रोपावरको ५ लाख कित्ता शेयरको लक इन अवधि साउन ११ गतेबाट सकिँदै 

काठमाडौं : सोलु हाइड्रोपावर लिमिटेडको साधारण शेयर बिक्री (लकइन पिरियड) साउन ११ गतेबाट सकिने भएको छ । कम्पनीले सामुहिक लगानी कोषका लागि सुरक्षित गरिएको शेयरको लकइन पिरियड खुल्ला गर्न लागेको हो ।

बैंकले सामुहिक लगानी कोषका लागि ५ लाख कित्ता शेयर छ महिनाका लागि लकइनमा राखेको थियो । उक्त शेयरको लकइन अवधि खुल्ला गर्न लागिएको कम्पनीले जनाएको छ ।

लकइन अवधि सकिएपछि उक्त शेयर बजारमा थपिनेछ । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ । कम्पनीको शेयर रजिष्ट्रारमा नबिल इन्भेष्टमेण्ट बैंकिङ्ग लिमिटेड रहेको छ।