काठमाडौं : अख्तियार दुरुपयोग अनुसन्धान आयोगले ग्रामीण विकास लघुवित्त वित्तीय संस्थाका बरिष्ठ फिल्ड सहायक उदयकृष्ण अधिकारीविरुद्ध भ्रष्टाचार आरोपमा मुद्दा दायर गरेको छ ।
(साविक मध्यमाञ्चल ग्रामीण विकास बैंक, शाखा कार्यालय, टाँडी, चितवन) का बरिष्ठ फिल्ड सहायक अधिकारीेले किर्ते (वनावटी) सदस्य बनाई विना धितो कर्जा दिएको आरोपमा आयोगले मुद्दा दायर गरेको हो ।
उनले ऋणीबाट असुली भएको सावा तथा व्याज रकम असुली नदेखाई जग्गा खरिदमा प्रयोग गरेको, पशु कर्जा÷धितो कर्जा दिंदा कमिशन खाएको, धितो राखिएको जग्गा रोक्का नगर्ने धितो फुकुवा भएको पनि बाँकी नदेखाउने गरेको आयोगको भनाई छ ।
आयोगका अनुसार उनलेबरिष्ठ फिल्ड सहायक पदमा कार्यरत रहँदा आर्थिक वर्ष २०६८/०६९ देखि आफू कार्यरत बैंकको १९ लाख २ हजार २३७ दशमलव ९६ रुपैयाँ पुष्टि भएको छ ।
उनी विरुद्ध सोही रकम बराबरको विगो मागदावी गर्दै अयोगले शुक्रबार विशेष अदालत काठमाडौंमा मुद्दा दायर गरेको हो ।