सानिमा रिलायन्सको ‘लक इन’ अवधि साउन २९ गते सकिने, डेढ करोड कित्ता शेयर थपिदै

काठमाडौं : सानिमा रिलायन्स लाइफ इन्स्योरेन्सको साधारण शेयर बिक्री (लकइन पिरियड) साउन २९ गतेबाट सकिने भएको छ । कम्पनीले संस्थापक शेयरधनी र कर्मचारीहरुका लागि छुट्याएको शेयरको लकइन पिरियड खुल्ला गर्न लागेको हो ।

Sponsored Advertisement

कम्पनीले संस्थापक शेयरधनी र कर्मचारीहरुका छुट्याएको एक करोड ४३ लाख कित्ता शेयर लकइनमा राखेको थियो । जसमा संस्थापक शेयरधनीलाई छुट्याएको एक करोड ४० लाख कित्ता र कर्मचारीहरुका लागि राखेको तीन लाख कित्ता शेयर रहेको छ ।

उक्त शेयरको लकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।