सर्वोत्तम सिमेन्टको लकइन पिरियड भदौ २५ गते सकिने, साढे २५ लाख कित्ता शेयर थपिदै

काठमाडौं : सर्वोत्तम सिमेन्ट लिमिटेडको साधारण शेयर बिक्री (लकइन पिरियड) भदौ २५ गतेबाट सकिने भएको छ । कम्पनीले संस्थापक शेयरधनी र सामुहिक लगानी कोषका लागि छुट्याएको शेयरको लकइन पिरियड खुल्ला गर्न लागेको हो ।

कम्पनीले संस्थापक शेयरधनी र सामुहिक लगानीका कोषका लागि २५ लाख ५४ हजार २२७ कित्ता शेयर लकइनमा राखेको थियो ।

कम्पनीले जारी पुँजीको १२.९०३३ प्रतिशतले हुन आउने ६० लाख कित्ता शेयरमध्ये ४० प्रतितश अर्थात २४ लाख कित्ता योग्य संस्थापक लगानीकर्ताका लागि बाँडफाँट गरी सर्वसाधारणधा लागि छुट्याएको शेयरमध्ये ५ प्रतिशत अर्थात एक लाख ५४ हजार २२७ कित्ता शेयर सामुहिक लगानीका कोषका लागि बाँडफाँट गरी लकइनमा राखेको थियो । 

उक्त शेयरको लकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।