चालक अनुमतिपत्र छपाइ र वितरण अनिश्चितकालका लागि बन्द

काठमाडौं : सवारी चालक अनुमतिपत्र (लाइसेन्स) छपाइ र वितरण अनिश्चितकालका लागि बन्द भएको छ ।

भौतिक पूर्वाधार तथा यातायात मन्त्रालयअन्तर्गत यातायात व्यवस्था विभागले एक सूचना जारी गर्दै लाइसेन्स छपाइ तथा वितरण लगायतका सूचना प्रविधिसम्बन्धी सम्पूर्ण प्रणाली अनिश्चितकालका लागि बन्द भएको जानकारी दिएको हो । 

जेनजी आन्दोलनले विभागको संरचनामा तोडफोड, आगजनी तथा चोरीरलुटपाटबाट इलेक्ट्रोनिक उपकरण, छपाइ मेशिन तथा सर्भरमा क्षति पुगेकोले लाइसेन्स तथा विद्युतीय सवारी साधन दर्ता सम्बन्धी सेवा अवरुद्ध हुन पुगेको विभागले बताएको छ।