करोडौँ भुक्तानी बाँकी छ, निर्णायक कदम नचाले स्वास्थ्य बीमा अघि बढ्न सक्दैनः मन्त्री गौतम

काठमाडौं : स्वास्थ्य तथा जनसंख्या मन्त्री डा।सुधा गौतमले स्वास्थ्य बीमाको विषयमा एउटा निर्णायक कदम चाल्नु पर्ने अवस्था रहेको बताएकी छन् ।

Sponsored Advertisement

सोमबार काठमाडौंमा आयोजित वित्तिय व्यवस्थापन सम्बन्धी गोष्ठि कार्यक्रममा उनले स्वास्थ्य बीमा धेरै नै गार्हो अवस्थामा रहेको र करोडौँ रुपैयाँको भुक्तानी बाँकी रहेको भन्दै यस विषयमा एउटा निर्णायक कदम नचाले बीमा कार्यक्रम अगाडि बढ्न नसक्ने बताईन् ।

उनले वर्तमान सरकारले बीमा, औषधी र आपूर्ती तीन विषयलाई प्राथमिकतामा राखेर काम गरिरहेको पनि जानकारी गराएकी छन् ।

उनले भनिन्, ‘अहिले यो सरकारको प्राथमिकतामा तीन वटा कुरा राखेका छौ, त्यसमा बिमा, औषधी र आपूर्ती रहेको छ । बीमाको विषयमा एउटा निर्णायक कदम नचाल्ने हो भने बीमा ठिक तरिकाले चलि रहेको छैन्, धेरै नै गाह्रो अवस्था छ । करोडौँको भुक्तानी बाँकी छ ।’