हिलटन हाइड्रो इनर्जीले २० प्रतिशत नगद लाभांश दिने, भदौ २७ गते डाक्यो साधारणसभा

काठमाडौं : हिलटन हाइड्रो इनर्जी लिमिटेडले भदौ २७ गते पाँचौ वार्षिक साधारणसभा बोलाएको छ । कम्पनीको भदौ २ गते बसेको सञ्चालक समितिको बैठकले लाभांश वितरण गर्ने प्रस्तावसहित साधारणसभा गर्ने निर्णय गरेको हो । 

उक्त सभा द एभरेष्ट होटल नयाँ बानेश्वर काठमाडौंमा दिउँसो १ बजे शुरु हुने छ । सभाले गत आर्थिक वर्षको वार्षिक प्रतिवेदनमाथि छलफल गर्ने, लेखापरीक्षक प्रतिवेदनसहित वित्तीय विवरणमा छलफल गर्ने र चालु आर्थिक वर्षका लागि बाह्य लेखापरीक्षक नियुक्त गरी निजको पारिश्रमिक निर्धारण गर्ने लगायतका प्रस्ताव पारित गर्ने छ । 

यसका साथै सभाले गत आवको मुनाफाबाट हाल कायम चुक्ता पुँजीको करसहित २० प्रतिशत नगद लाभांश वितरण गर्ने प्रस्ताव पारित गर्ने र विभिन्न जलविद्युत आयोजना र कम्पनीका लगानी गर्न सञ्चालक समितिले गरेको निर्णय अनुमोदन गर्ने छ ।