ग्रिन भेन्चर्सको पौने तीन करोड कित्ता शेयरको ‘लक इन’ अवधि चैत २० गते सकिने 

काठमाडौं : ग्रिन भेन्चर्स लिमिटेडको साधारण शेयर बिक्री (लकइन पिरियड) चैत २० गतेबाट सकिने भएको छ । कम्पनीले संस्थापक शेयरधनी, आयोजना प्रभावित स्थानीय बासिन्दा र कर्मचारीहरुका लागि छुट्याएको शेयरको लकइन पिरियड खुल्ला गर्न लागेको हो ।

कम्पनीले २०७८ चैत २० गते बाँडफाँट गरी कम्पनीका संस्थापक शेयरधनी, स्थानीय बासिन्दा र कर्मचारीहरुका लागि दुई करोड ८२ लाख १९ हजार ९५० कित्ता शेयर बाँडफाँट गरी तिन वर्षका लागि लकइनमा राखेको थियो । उक्त शेयरको लाकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ ।

कम्पनीले संस्थापक शेयरधनीहरुको दुई करोड ५० लाख कित्ता, आयोजना प्रभावित स्थानीयहरुको ३२ लाख २३ हजार २०० कित्ता र कर्मचारीहरूको ९३ हजार ७५० कित्ता शेयर बाँडफाँट गरेको थियो । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।