बलेफी हाइड्रोपावरको ‘लक इन’ अवधि चैत २९ गते सकिने, साढे एक करोड कित्ता शेयर थपिदै 

काठमाडौं : बलेफी हाइड्रोपावर लिमिटेडको साधारण शेयर बिक्री (लकइन पिरियड) चैत २९ गतेबाट सकिने भएको छ । कम्पनीले संस्थापक शेयरधनी, आयोजना प्रभावित स्थानीय बासिन्दा र कर्मचारीहरुका लागि छुट्याएको शेयरको लकइन पिरियड खुल्ला गर्न लागेको हो ।

कम्पनीले २०७८ चैत २९ गते बाँडफाँट गरी कम्पनीका संस्थापक शेयरधनी, स्थानीय बासिन्दा र कर्मचारीहरुका लागि एक करोड ६५ लाख २८ हजार ८४९ कित्ता शेयर बाँडफाँट गरी तिन वर्षका लागि लकइनमा राखेको थियो । उक्त शेयरको लाकइन पिरियड खुल्ला गर्न लागिएको कम्पनीले जनाएको छ । लकइन अवधि सकिएपछि उक्त शेयर बजारमा थपिनेछ ।

कम्पनीले संस्थापक शेयरधनीहरुको एक करोड ४६ लाख २३ हजार ७६० कित्ता, आयोजना प्रभावित स्थानीयहरुको १८ लाख २७ हजार ९७० कित्ता र कर्मचारीहरूको ७३ हजार ११९ कित्ता शेयर बाँडफाँट गरेको थियो । लक इन अवधि सकिएपछि कम्पनीले होल्ड गरेको शेयर कारोबारका लागि योग्य हुनेछ ।