प्रतितोला छ सय रुपैयाँले घट्यो सुन, चाँदी स्थिर

काठमाडौं : नेपाली बजारमा सोमबार सुनको मूल्य सामान्य घटेको छ ।  नेपाल सुनचाँदी व्यवसायी महासंघका अनुसार आइतबारको तुलनामा सुनको मूल्य तोलामा ६०० रुपैयाँ घटेको हो । 

महासंघका अनुसार सोमबार छापावाल सुनको मूल्य तोलामा एक लाख ७३ हजार ५०० रुपैयाँ कायम भएको छ । यसअघि आइतबार छापावाल सुन तोलामा एक लाख ७४ हजार १०० रुपैयाँ कायम भएको थियो । 

यस्तै चाँदीको मूल्य भने आज स्थिर रहेको छ ।  आइतबार तोलामा एक हजार ९८० रुपैयाँ कायम भएको चाँदीको मूल्य सोमबार पनि सोही मूल्यमा कारोवार भईरहेको छ ।