रासायनिक मल ७५ प्रतिशत मौज्दात, असारसम्म चार लाख ९१ हजार मेट्रिक टन भित्रिने

काठमाडौं : सरकारले चालु आर्थिक वर्ष २०८२/८३ का लागि निर्धारण गरेको रासायनिक मल आपूर्ति लक्ष्यको ठूलो हिस्सा भित्रिसकेको जनाएको छ । 

कृषि तथा पशुपन्छी विकास मन्त्रालयका अनुसार साउन १ गतेदेखि बैशाख ३० गतेसम्म कुल ४ लाख ९१ हजार ३ सय मेट्रिक टन रासायनिक मल नेपाल भित्रिएको छ।

मन्त्रालयले चालु आवका लागि ६ लाख मेट्रिक टन रासायनिक मल आयात गर्ने लक्ष्य राखेको छ। यसका लागि २८ अर्ब २८ करोड १४ लाख रुपैयाँ बजेट विनियोजन गरिएको छ।

हालसम्म भित्रिएको मलमध्ये युरिया ३ लाख २८ हजार ४३९.१ मेट्रिक टन, डीएपी २ लाख ८३२.२५ मेट्रिक टन र पोटास २५ हजार ६४९.१५ मेट्रिक टन रहेको मन्त्रालयको तथ्यांकमा उल्लेख छ।

देशभरका गोदाममा अहिले १ लाख ४४ हजार ८०३.२५ मेट्रिक टन रासायनिक मल मौज्दात रहेको छ। यसमध्ये युरिया ८३ हजार ८०२.०५ मेट्रिक टन, डीएपी ४४ हजार ५७५.५५ मेट्रिक टन र पोटास १६ हजार ४२५.२५ मेट्रिक टन रहेको छ।

चालु आवमा हालसम्म ४ लाख ५८ हजार २३३.६ मेट्रिक टन मल बिक्री वितरण गरिएको छ। बिक्रीमध्ये युरिया २ लाख ७२ हजार ५०२.२५ मेट्रिक टन, डीएपी १ लाख ७० हजार ७५७.३५ मेट्रिक टन र पोटास १४ हजार ९७१.१ मेट्रिक टन रहेको छ।

त्यसैगरी, मार्गस्थ अवस्थामा थप ४ हजार ५४५.०५ मेट्रिक टन मल रहेको मन्त्रालयले जनाएको छ। यसमध्ये युरिया १ हजार ९८६.६५ मेट्रिक टन र डीएपी २ हजार ५५८.४ मेट्रिक टन रहेको छ।