पञ्चरूपा सहकारीका नौ सञ्चालकविरुद्ध मुद्दा दायर

काठमाडौं : पञ्चरूपा बचत तथा ऋण सहकारी संस्थाका सञ्चालकविरुद्ध जिल्ला अदालत काठमाडौंमा ठगी मुद्दा दायर भएको छ । सदस्यहरुको तीन करोड ३८ लाख रुपैयाँ हिनामिनाको आरोपमा संस्थाका नौ जना सञ्चालक विरुद्ध मुद्दा दायर भएको हो ।

प्रहरीले संस्थाका अध्यक्ष पुष्कल रिजाल, उपाध्यक्ष भुवन सापकोटा, सचिव पुरन रावल, कोषाध्यक्ष राकेश ज्याख्या, सदस्य धीरेन्द्र बराल र सदस्यहरू अर्जुन बस्ताकोटी, पुष्पबाबु पाण्डे, कुमार साह र मंगलबहादुर तामाङविरुद्ध शुक्रबार ठगी मुद्दा दायर भएको हो । 

प्रतिवादीहरु मध्ये सञ्चालक सदस्य बराल मात्र पक्राउ परेका छन् ।